काठमाडौं । यो साता नेपाली बजारमा सुनको मूल्य तोलामा ४ सय रुपैयाँले बढेको छ । नेपाल सुनचाँदी व्यवसायी महासंघले गत साताको शुक्रबारको तुलनामा ४ सय रुपैयाँले सुनको मूल्य बढेको हो ।
गत साताको शुक्रबार सुनको मूल्य प्रतितोलामा ९९ हजार ९ सय रुपैयाँमा कारोबार भएको सुनको मूल्य यस साताको शुक्रबार सम्म आइपुग्दा छापावाल सुनको मूल्य १ लाख ३ सय रुपैयाँमा आइपुगेको छ ।
त्यस्तै, गत साता तेजाबी सुनको मूल्य प्रतितोलामा ९९ हजार ४ सय रुपैयाँमा काराबोर भएको थियो । यस्तै, तेजाबी सुनको मूल्य तोलामा ९९ हजार ८ सय रुपैयाँ कारोबार भएको छ ।
साताको आइतबार सुनको मूल्य प्रतितोलामा ६ सय रुपैयाँले बढेको थियो । सोमबार स्थिर रहेको सुनको मूल्य मंगलबार १ सय रुपैयाँले घटेको थियो । बुधबार एकै दिन ८ सय रुपैयाँले बढ्दा विहीबार पुनः ३ सय रुपैयाँले बढेपनि शुक्रबार एकै पटक १ हजार २ सय रुपैयाँ घटेको थियो ।
यस्तै एक साता अवधिमा चाँदीको मूल्य पनि बढेको छ । गत साताको शुक्रबार चाँदीको मूल्य प्रतितोलामा १ हजार ३ सय ७० रुपैयाँ थियो । जुन, यो साता १ हजार ३ सय ९० रुपैयाँ कारोबार भएको महासंघले जनाएको छ ।
