काठमाडौं । काठमाडौं उपत्यकामा एकैदिन ३ हजार ३ सय १० जना सवारी चालक कारवाहीमा परेका छन् । टाफिक नियम उल्लङ्घन गरेको कारणले उनीहरुलाई विहीबार उपत्यकाको विभिन्न स्थानबाट कारवाही गरिएको काठामाडौं उपत्यका ट्राफिक प्रहरी कार्यालयले जनाएको छ ।
कारबाहीमा पर्नेमा मादक पदार्थ सेवन गरी सवारी साधन चलाउने १ सय ३५ जना, लेन अनुशासन पालना नगर्ने १ सय ७२ जना, रेड लाइडमा सवारी साधन चलाउने ७१ जना, निषेधित क्षेत्रमा हर्न बजाउने ६८ र नम्बर प्लेट राम्रोसँग नराख्ने ४२ जना चालक रहेका छन् । यस्तै २ हजार ८ सय २२ जना सवारी चालकलाई अन्य कारबाही गरिएको कार्यालयले जनाएको छ
