काठमाडौं । नेपाल स्टक एक्सचेञ्ज (नेप्से) १४.२२ अंकले बढेर १ हजार ८ सय ७३ दशमलव ११ अंकले बढेको छ । साताको तेस्रो दिन मंगलबार कारोबारमा आएका २ सय ५७ स्क्रिपको ९३ करोड ८ लाख रुपैयाँ बराबरको ३० लाख २२ हजार कित्ता शेयर किनबेच भएको छ । आज नेप्सेसँगै कारोबार रकममा पनि सुधार देखिएको छ।
आज १ सय ५२ कम्पनीको शेयर मूल्य बढेको छ । ४६ कम्पनीको शेयर मूल्य घटेको छ भने १३ कम्पनीको शेयर मुल्यमा स्थिर आएको छ । कारोबारमा आएका १३ वटै उपसमूहको परिसूचक बढेका छन् । यस दिन होटल एण्ड टुरिजम र अन्य उपसमूह परिसूचक २ प्रतिशत भन्दा धेरैले बढेको छ भने बाँकी ११ उपसमूह १ प्रतिशतभन्दा पनि कमले बढेकाे छ।
आज सबैभन्दा धेरै नेपाल टेलिकमको शेयर कारोबार भएको छ । कम्पनीको ६ करोड ३८ लाख रुपैयाँको शेयर कारोबार भएको हो । सिभिल बैंकको ४ करोड ३ लाख रुपैयाँको शेयर कारोबार भएको छ । हिमालयन डिष्टिलरीको ३ करोड ८२ लाख रुपैयाँको शेयर कारोबार भएको छ । नविल बैंकको ३ करोड ३६ लाखको कारोबार भएको छ ।
आज आधिँखोला लघुवित्त र सृजनशील लघुवित्तको शेयर मुल्यमा सकारात्मक सर्किट लागेको छ । धौलागिरी लघुवित्तको ९.९९ प्रतिशतले बढेको छ ।
