काठमाडौं । पहिलो त्रैमासमा एनएमबि बैंकको नाफा घटेको छ । असोज मसान्तसम्मको विवरण अनुसार बैंकको नाफा १३.४३ प्रतिशतले घटेको हो । सो अवधिमा बैंकले ९० करोड ४१ लाख रुपैयाँ नाफा कमाएको छ । गत वर्ष यस्तो रकम १ अर्ब ४ करोड रुपैयाँ रहेको थियो।
असोज मसान्तसम्ममा बैंकको खुद ब्याज आम्दानी २ अर्ब ५ करोड रुपैयाँ रहेको छ। त्यस्तै बैंकको कुल सञ्चालन आम्दानी २ अर्ब ७० करोड रुपैयाँ रहेको छ। सोही अवधिमा सो बैंकले २ अर्ब २३ करोड रुपैयाँ वितरण योग्य नाफा कमाएको छ ।
यो अवधिमा बैंकले १ खर्ब ८० अर्ब रुपैयाँ निक्षेप संकलन गरेको छ भने १ खर्ब ७८ अर्ब रुपैयाँ कर्जा प्रवाह गरेको छ । सो समयमा बैंकको प्रतिसेयर नेटवर्थ १ सय ५१ रुपैयाँ ६० पैसा रहेको छ भने खराब कर्जा अनुपात १.९० प्रतिशत रहेको छ ।
