काठमाडौं । नेपाल इन्भेष्टमेन्ट बैंकको नाफा २३.४७ प्रतिशतले बढेको छ । आर्थिक वर्षको पहिलो त्रैमाससम्मको विवरण अनुसार असोज मसान्तसम्ममा बैंकको नाफा २३.४७ प्रतिशतले बढेको हो । बैंकले यस त्रैमासमा १ अर्ब १४ करोड नाफा आर्जन गरेको छ भने गत आर्थिक वर्षको सोही अवधिमा ९२ करोड ३७ लाख आर्जन गरेको थियो ।
असोज मसान्तसम्ममा बैंकको वितरणयोग्य मुनाफा १ अर्ब ८० करोड रुपैयाँ रहेको छ। असोज मसान्तसम्मा बैंकको खुद व्याज आम्दानी २ अर्ब १२ करोड रुपैयाँ रहेको छ । यते गत बर्षको तुलनामा ६६.४९ ले बढी हो । गत वर्ष सोही अवधिमा यो रकम १ अर्ब २७ करोड रुपैयाँ रहेको छ ।
त्यस्तै, बैंकको निक्षेप १ खर्ब ९२ अर्ब रुपैयाँ रहेको छ । कर्जा लगानी १ खर्ब ६८ अर्ब रुपैयाँ रहेको छ । प्रतिशेयर आम्दानी २ रुपैयाँ १९ पैसा बढेर २४ रुपैयाँ ९२ पैसा पुगेको छ। प्रतिशेयर नेटवर्र्थ १ सय ९५ रुपैयाँ ३८ पैसा रहेको छ ।
