काठमाडौं । साउन महिनामा मात्रै वाणिज्य बैंकहरुले ९ अर्ब नाफा कमाएका छन् । आर्थिक वर्ष २०७९/८० को पहिलो महिनामा २६ वाणिज्य बैंकहरुले कुल ९ अर्ब ३ करोड रुपैयाँ नाफा कमाएका हुन् । यो नाफा अघिल्लो आर्थिक वर्षको १ महिनामा वाणिज्य बैंकहरुले कमाएको नाफाभन्दा ४३ प्रतिशत बढी हो । अघिल्लो वर्षको पहिलो १ महिनामा यस्तो नाफा ६ अर्ब ३१ करोड रुपैयाँ थियो ।
नेपाल राष्ट्र बैंकका अनुसार यो अवधिमा नाफा कमाउनेमध्ये सबैभन्दा शीर्ष स्थानमा नबिल बैंक रहेको छ । बैंकले १ महिनामै ८३ करोड नाफा कमाएको तथ्यांकमा उल्लेख छ ।
यो अवधिमा सबैभन्दा कम नाफा कमाउने बैंकमा सिभिल र सेञ्चुरी देखिएका छन् । ती बैंकहरुको नाफा १७/१७ करोड रुपैयाँ रहेको छ ।
यो वर्ष बैंकहरुको नाफा दोब्बर देखिनुमा अघिल्लो वर्ष १ महिनामा नबिलको नाफा ६१ करोड रुपैयाँ मात्रै रहेको देखिएकोमा यो वर्ष झण्डै ४ अर्ब ३६ करोड रुपैयाँले बढेको देखिएको छ । त्यस्तै, राष्ट्र बैंकले बैंकहरुलाई अघिल्लो वर्ष साउन १५ सम्मको आम्दानीलाई अघिल्लो वर्षको नाफामा देखाउन मिल्ने व्यवस्था गरेकोमा यो वर्ष यो व्यवस्था नभएकोले अधिकांश बैंकको नाफा यो वर्ष बढेको देखिएको छ । यसले समेत नाफामा उच्च वृद्धि भएको देखिन्छ ।
कुन बैंकको नाफा कति ?
नेपाल बैंक : ३५ करोड ७५ लाख
राष्ट्रिय वाणिज्य बैंक : ७५ करोड २१ लाख
नबिल बैंक : ८१ कराेड ३६ लाख
नेपाल इन्भेष्टमेन्ट बैंक : ४२ करोड ९० लाख
हिमालयन बैंक : ३१ करोड १८ लाख
नेपाल एसबीआई बैंक : १९ करोड ५१ लाख
एभरेष्ट बैंक : ३५ करोड ९५ लाख
बैंक अफ काठमाडौं : १६ करोड ३० लाख
एनसीसी बैंक : २६ करोड ९२ लाख
एनआईसी एशिया बैंक : ४७ करोड ६३ लाख
माछापुच्छ्रे बैंक : २५ करोड ४२ लाख
कुमारी बैंक : २९ करोड २७ लाख
लक्ष्मी बैंक : २३ करोड ४५ लाख
सिद्धार्थ बैंक : ३७ करोड ५७ लाख
कृषि विकास बैंक : २६ करोड ८२ लाख
ग्लोबल आईएमई बैंक : ६७ करोड ३३ लाख
सिटिजन्स बैंक : २४ करोड ९४ लाख
प्राइम कमर्शियल बैंक : ३९ करोड ५४ लाख
सनराइज बैंक : २५ करोड ३५ लाख
एनएमबि बैंक : ३६ करोड ७ लाख
प्रभु बैंक : ३७ करोड ६१ लाख
मेगा बैंक : २७ करोड ८६ लाख
सिभिल बैंक : १७ करोड ७७ लाख
सेञ्चुरी बैंक : १७ करोड ३६ लाख
सानिमा बैंक : २८ करोड ६० लाख
*राष्ट्र बैंकले गलत तथ्यांक प्रकाशन गरेकाेमा सच्याएर नयाँ तथ्यांक प्रकाशन गरेअनुसार सच्याइएकाे ।
