काठमाडौं । यूईएफए च्याम्पियन्स लिग फुटबलको फाइनल खेलमा दुई प्रिमियर लिग क्लब म्यानचेस्टर सिटी र चेल्सी भिड्दै छन् ।
नेपाली समय अनुसार खेल आज राति १२ः४५ बजे सुरु हुनेछ ।
आजको खेलमा दुबै टिम उपाधि उचाल्ने योजनासहित मैदानमा उत्रने छन् । चेल्सी दोस्रोपटक च्याम्पियन्स लिग फुटबलको उपाधि जित्ने योजनामा हुनेछ ।
चेल्सीले सन् २०१२ मा च्याम्पियन्स लिग फुटबलको उपाधि जितेको थियो । यता, सिटी भने पहिलोपटक उपाधि जित्ने योजनामा हुनेछ ।
सिटीले हालसम्म च्याम्पियन्स लिगको उपाधि जित्न सकेको छैन । सिटीका मूख्य प्रशिक्षक पेप ग्वार्डीओलाले च्याम्पियन्स लिग फुटबलको उपाधि जिताएका छन् ।
उनले बार्सिलोना र वायर्नका लागि च्याम्पियन्स लिग फुटबलको उपाधि दिलाई सकेका छन् ।
आजको खेल दुबै टोलीका लागि महत्वपूर्ण रहेको छ । सिटी आफ्नो इतिहास रच्ने योनजामा छ ।
