काठमाडौं । गृह सचिवको जिम्मेवारी केदारनाथ शर्माले पाएका छन् । शुक्रबार बसेको मन्त्रिपरिषद् बैठकले रक्षा सचिव शर्मालाई गृह सचिवमा सरुवा गर्ने निर्णय गरेको हो ।
शर्मा २०८२ मंसिरमा रक्षा मन्त्रालयको जिम्मेवारी पाएका थिए । गृहसचिव राजकुमार श्रेष्ठ भदौ १५ गतेबाट अनिवार्य अवकासमा जाने भएपछि सरकारले शर्मालाई गृहमा सरूवा गरेको हो ।
शर्मासंग गृह मन्त्रालयमा काम गरेको लामो अनुभव छ । उनले काठमाडौंको प्रमुख जिल्ला अधिकारी तथा गृहमन्त्रालयको कर्मचारी प्रशासन महाशाखा प्रमुखको जिम्मेवारी सम्हाली सकेका छन्।
