काठमाडौं । तीन कम्पनीको लाभांश सुरक्षित गर्ने आज अन्तिम दिन रहेको छ । आज ग्लोबल आइएमई बैंक गुराँस लघुवित्त र मुक्तिनाथ कृषि कम्पनीको लाभांश सुरक्षित गर्ने अन्तिम दिन हो।
गुराँस लघुवित्त र मुक्तिनाथ कृषि कम्पनीले भोली (कात्तिक १४ गते) बुकक्लोज गर्दैछ भने ग्लोबल आइएमई बैंकले कात्तिक १६ गते बुकक्लोज गर्दैछ। जस अनुसार आजसम्म नेप्सेमा कारोबार भइ कायम भएका शेयरधनीहरुले यी कम्पनीहरुको साधारण सभामा सहभागिहुन र कम्पनीहरुले वितरण गर्ने लाभांश प्राप्त गर्न सक्नेछन्।
गुराँस लघुवित्तले कात्तिक २३ गते, आइतबार, हिले कान्जिरोवा मकालु होटल, धनकुटामा बिहान ९ बजे बस्नेगरी साधारण सभा बोलाएको छ। सभाले हाल कायम चुक्ता पूँजीको १४.२५ प्रतिशत बोनस शेयर र कर प्रयोजनाका लागि ०.७५ प्रतिशत नगद लभांश वितरण गर्नेछ ।
त्यसैगरी, मुक्तिनाथ कृषि कम्पनीले कात्तिक २१ गते शुक्रबार सिल्भर वक ब्यान्क्वेट एण्ड इभेन्ट्स सेन्टर, गैरीधारा, काठमाडौँमा दिउँसो ११स्३० बजे बस्नेगरी सभा बोलाएको छ। सो कम्पनीले गत आर्थिक वर्षको मुनाफाबाट शेयरधनीहरुलाई ८ प्रतिशत बोनस शेयर वितरण गर्ने निर्णय गरेको छ ।
त्यस्तै, ग्लोबल आइएमई बैंकले कात्तिक २६ गते, बुधबार, नेपाल प्रज्ञा प्रतिष्ठान, कमलादी, काठमाडौँमा १९ औँ वार्षिक साधारण सभा बोलाएको छ। सो सभा बिहान १० बजे शुरु हुनेछ।
सभाले हाल कायम चुक्ता पूँजीको ८ प्रतिशतका दरले नगद लाभांश ९कर प्रयोजनार्थ सहित० वितरण गर्ने प्रस्ताव पारित गर्नेछ।
