काठमाडौ । स्वाभिमान लघुवित्त वित्तीय संस्थाले लाभांशको घोषणा गरेको छ ।
लघुवित्तले गत आर्थिक वर्ष २०७७/७८ को नाफाबाट ३२ प्रतिशत बोनस शेयर र कर प्रयोजनको लागि १ं.७० प्रतिशत नगद गरी कुल ३४ प्रतिशत लाभांश घोषणा गरेको हो ।
असोज १७ गते बसेको लघुवित्त वित्तीय संस्थाको सञ्चालक समितिको ५८औं बैठकले सो निर्णय गरेको हो ।
कम्पनीका अनुसार कम्पनीले शेयरधनीहरुलाई ३२.३० प्रतिशत बराबरको २ करोड ९७ लाख ३२ हजार १ सय ५० रुपैयाँ बोनस शेयर र १.७० रुपैयाँ बराबरको १५ लाख ६४ हजार ८ सय ५० रुपैयाँ बराबरको कर प्रयोजनका लागि लाग्ने नगद लाभांश दिने भएको हो । यो लाभांश आगामी वार्षिक साधारणसभाले पारित गरेपछि वितरण हुने जनाइएको छ ।
हाल संस्थाको चुक्ता पुँजी ९ करोड २० लाख ५० हजार रुपैयाँ रहेको छ ३२ प्रतिशतका दरले हुन आउने २ करोड ९७ लाख ३२ हजार १ सय ५० रुपैयाँ बराबरको बोनस शेयर पछि कम्पनीको चुक्ता पुँजी १२ करोड १७ लाख ८२ हजार रुपैयाँ पुग्नेछ ।
