काठमाडौं । चालु आर्थिक वर्षको ११ महिनामा २० वाणिज्य बैंकले ५६ अर्ब ४५ करोड रुपैयाँ नाफा आर्जन गरेका छन् । नेपाल राष्ट्र बैंकका अनुसार जेठ मसान्तसम्म वाणिज्य बैंकहरूले यो नाफा कमाएका हुन् ।
१० महिनामा ४८ अर्ब ६० करोड रुपैयाँ खुद नाफा गरेका वाणिज्य बैंकले ११ महिनामा ५६ अर्ब ४५ करोड रुपैयाँ नाफा गरेका छन् । बैशाखको तुलनामा जेठमा यस्तो नाफा १६.१४ प्रतिशतले बढी हो ।
११ महिनाको अवधिमा सबैभन्दा धेरै नाफा नबिल बैंकले आर्जन गरेको छ । यस बैंकले जेठसम्म ६ अर्ब ३३ करोड रुपैयाँ नाफा आर्जन गरेको हो । यस्तै दोस्रोमा ग्लोबल आइएमई बैंकले ५ अर्ब ९ करोड रुपैयाँ नाफा आर्जन गरेको छ ।
यस्तै नेपाल इन्भेस्टमेन्ट बैंकले ४ अर्ब ३८ करोड १३ लाख रुपैयाँ, प्राइम बैंक ३ अर्ब ५५ करोड ५१ लाख रुपैयाँ, एभरेष्ट बैंकले ३ अर्ब ३१ करोड ३१ लाख रुपैयाँ नाफा आर्जन गरेका हुन् । यस्तै राष्ट्रिय वाणिज्य बैंकले ३ अर्ब ६ करोड रुपैयाँ, प्रभु बैंकले ३ अर्ब ३ करोड रुपैयाँ, कृषि विकास बैंकले ३ अर्ब २ करोड रुपैयाँ, स्ट्याण्डर्ड चार्टर्ड बैंकले ३ अर्ब १ करोड रुपैयाँ, एनएमबी बैंकले २ अर्ब ७७ करोड रुपैयाँ खुद नाफा गरेका हुन् ।
जेठसम्म हिमालयन बैंकले २ अर्ब ७६ करोड रुपैयाँ, लक्ष्मी सनराइज बैंकले २ अर्ब ३७ करोड रुपैयाँ, सिद्धार्थ बैंकले २ अर्ब २७ करोड रुपैयाँ, एनआईसी एशिया बैंकले २ अर्ब ३५ करोड रुपैयाँ, सटिजन्स बैंकले १ अर्ब ७५ करोड रुपैयाँ नाफा गरेका हुन् ।
११ महिनाको अवधिमा िसानिमा बैंकले १ अर्ब ७४ करोड रुपैयाँ, कुमारी बैंकले १ अर्ब ६७ करोड रुपैयाँ, नेपाल एसबीआई बैंकले १ अर्ब ६६ करोड रुपैयाँ, माछापुच्छ्रे बैंकले १ अर्ब २८ करोड रुपैयाँ र नेपाल बैंकले १ अर्ब ७ करोड रुपैयाँ नाफा गरेका हुन् ।
कुन बैंकको नाफा कति ?
| S.N | Bank Name | Net Profit(in million) |
| 1 | Nabil Bank | 6338.44 |
| 2 | Giobal IME Bank | 5090.33 |
| 3 | Nepal investment Bank | 4381.33 |
| 4 | Prime commerical Bank | 3555.14 |
| 5 | Everest Bank | 3313.14 |
| 6 | Rastriya Banjiya Bank | 3068.34 |
| 7 | Prabhu Bank | 3034.24 |
| 8 | Agriculture Development Bank | 3024.88 |
| 9 | Standadra Chatered Bank | 3019 |
| 10 | NMB Bank | 2776.37 |
| 11 | Himalayan Bank | 2766.04 |
| 12 | Laxmi Sunrise Bank | 2374.29 |
| 13 | siddhartha Bank | 2270.18 |
| 14 | NIC Asia Bank | 2235.38 |
| 15 | citizion Bank | 1756.73 |
| 16 | Sanima Bank | 1746.44 |
| 17 | Kumari | 1674.52 |
| 18 | Nepal SBI Bank | 1665.18 |
| 19 | Machhapurcha Bank | 1284.18 |
| 20 | Nepal Bank | 1076.37 |
| Total | 56450.52 |
