काठमाडौं । नेपाल राष्ट्र बैंकले उपदान तथा पेन्सन कोषमा रहेको १ अर्ब ४३ करोड रुपैयाँ मुद्धती निक्षेपमा लगानी गर्ने भएको छ । बैंकले एक सुचना जारी गर्दै क, ख र ग वर्गका बैंक तथा वित्तीय संस्थाहरुको मुद्धती निक्षेपमा लगानी गर्ने भएको हो ।
राष्ट्र बैंकले क वर्गको वाणिज्य बैंकहरुमा १ अर्ब १४ करोड ४० लाख, ख वर्ग राष्ट्रिय वर्गका विकास बैंकहरुमा ३ करोड ६० लाख र ग वर्गका राष्ट्रिय स्तरका वित्त कम्पनीहरुमा ७ करोड १५ लाख रुपैयाँ लगानी गर्ने भएको छ ।
निक्षेप लिन चाहाने इजाजतप्राप्त बैंक तथा वित्तीय संस्थाहरुले आफुले लिन चाहेको रकम तथा उक्त रकमको लिनका लागि प्रस्ताव गरेको व्याजदर समेत खुलाई जेठ २८ गते जानकारी गराउन बैंकले अनुरोध गरेको छ । सो निक्षेपको अवधि ३६६ दिनको हुनेछ ।
