काठमाडौं । दुई लघुवित्तले मर्जरका लागि अन्तिम सम्झौतापत्रमा हस्ताक्षर गरेका छन् । आइतबार जाल्पा सामुदायिक लघुवित्त र किसान लघुवित्त वित्तीय संस्था मर्जरका लागि अन्तिम सम्झौतापत्रमा हस्ताक्षर गरेका हुन् ।
यी दुई संस्थाबीच गत साउन ९ गते मंगलबार मर्जरको प्रारम्भिक सम्झौता भएको थियो। यी दुई कम्पनी १ः०.८८३४ को अनुपातमा मर्जरमा जान लागेका हुन ।
मर्जर पश्चात जाल्पा सामुदायिक लघुवित्त वित्तीय संस्था लिमिटेडले १ कित्ता शेयर प्राप्त गर्दा किसान लघुवित्त लघुवित्त वित्तीय संस्था लिमिटेडले ०.८८३४ कित्ता शेयर प्राप्त गर्ने गरी शेयर स्वाप अनुपातमा कायम हुनेछ ।
हाल जाल्पाको चुक्ता पुँजी १८ करोड २८ लाख रहेको छ भने किसानको चुक्ता पुँजी ४७ करोड १३ लाख रहेको छ । जाल्पाको केन्द्रीय कार्यालय रुपन्देहीको बुटवलमा रहेको छ भने किसानको केन्द्रीय कार्यालय कैलालीको लम्किचुहामा रहेको छ ।
