काठमाडौं । नेपाल नागरिक उड्डयन प्राधिकरणका महानिर्देशक प्रदीप अधिकारी र धरान उपमहानगरपालिकाका मेयर हर्कसाम्पाङबीच भनाभन भएको छ । बुधबार संस्कृति, पर्यटन तथा नागरिक उड्डयनमन्त्री सुदन किराँतीको कार्यकक्षमा भएको छलफलमा यस्तो विवादको अवस्था सिर्जना भएको हो ।
धरानमा विमानस्थल बनाउन भनेर अधिग्रहण गरिएको जग्गा तथा धरानमा एयरपोर्टको सम्भाव्यताबारे अध्ययनको विषयमा छलफलगर्न साम्पाङ मन्त्री किराँतीसँग छलफलका लागि गएका थिए । उक्त छलफलमा नियामक संस्थाको रुपमा महानिर्देशकअधिकारीलाई बोलाइएको थियो ।
छलफलका क्रममा अधिकारीले सरकारको हवाई नीतिका कारण प्रक्रिया अगाडी बढाउन नसकिने बताएका थिए । त्यसपछिआक्रोशित मेयर साम्पाङले विराटनगर एयरपोर्ट ६ महिना सञ्चालन नहुने गरेको आरोप लगाए ।
विराटनगर एयरपोर्ट ३ महिना डुबानमा पर्छ, ३ महिना हुस्सु लाग्छ, त्यस्तो ठाउँमा एयरपोर्ट बनाउने कस्तो मुर्ख हो भन्दै प्रश्न गरेका थिए। जवाफमा अधिकारीले विराटनगर एयरपोर्ट गत एक वर्षमा एक दिन पनि बन्द नभएको बताएका थिए ।
अधिकारीले यसो भनेपछि साम्पाङले हामीलाई थाहा हुँदैन कहिले चल्छ कहिले बन्द हुन्छ ? भन्दै आक्रोश पोखेका थिए । त्यसपछिअधिकारीले पनि मेरो कार्यक्षेत्रको एयरपोर्ट कहिले खुल्छ कहिले बन्द हुन्छ मलाई थाहा हुँदैन ? भन्दै जवाफ फर्काए ।
विवादलाई साम्य पार्न मन्त्री किराँतीले हस्तक्षेप गरेका थिए । उनले हवाई नीति फेर्दा टोलटोलमै एयरपोर्टको माग आउनसक्ने भएकोलेत्यसलाई विचार पुर्याएर मात्रै परिवर्तन गर्नुपर्ने बताए । त्यस्तै कतिपय एयरपोर्ट उद्घाटन गरेर बन्द गर्नुपर्ने अवस्थामा धरानमा एयरपोर्टबनाउनेबारे आफ्नो भावनात्मक समर्थन रहेको बताए ।
साम्पाङको निरन्तर दबाबपछि मन्त्री किराँतीले उक्त एयरपोर्टको सम्भाव्यता अध्ययनका लागि समिति बनाएका छन् । तर, धरानविराटनगरबाट ४० मिनेटमै पुग्न सकिने भएकोले यहाँ एयरपोर्ट बनाउन आवश्यक नभएको तर्क समेत हुँदै आएको छ ।
