काठमाडौं । कोशी प्रदेशमा चालु आर्थिक वर्ष शुरू भएको झण्डै चार महिनापछि बजेट पारित भएको छ । अध्यादेश बजेटलाई प्रतिस्थापन गर्न प्रदेशसभामा छलफलमा रहेको विनियोजन विधेयक बुधवार बसेको प्रदेशसभाको बैठकबाट सर्वसम्मत पारित भएको हो ।
मुख्यमन्त्री केदार कार्कीले चालु आर्थिक वर्षका लागि ३६ अर्ब ७४ करोड ३५ लाख १० हजार रुपैयाँको बजेट प्रस्ताव गरेका थिए । मंसिर ९ गते ५० करोड थप गर्दै उनले बजेट प्रतिस्थापन विधेयक ल्याएका थिए ।
यसअघि उक्त विधेयकमा असहमति राख्दै नेकपा (एमाले)का ६ र राष्ट्रिय प्रजातन्त्र पार्टी (राप्रपा)का २ सांसदले खर्च कटौतीको प्रस्ताव राखेका थिए ।
