काठमाडौं । एशियाली विकास बैंक (एडीबी) ले आर्थिक वर्ष २०८०/८१ मा नेपालको कुल ग्रार्हस्थ उत्पादन (जीडीपी) ४.३ प्रतिशतले बढ्ने प्रक्षेपण सार्वजनिक गरेको छ । बुधबार एशियन डेभलपमेन्ट आउटलूक प्रतिवेदन (एडीओ) सार्वजनिक गर्दै एडीबीले उक्त प्रक्षेपणबारे जानकारी दिएको हो ।
चालु आर्थिक वर्षमा मुद्रास्फीति भने घट्ने प्रक्षेपण एडीबीको रहेको छ । २०७९/८० मा ७.७ प्रतिशत रहेको उक्त दर घटेर ६.२ प्रतिशत पुग्ने प्रतिवेदनमा जनाइएको छ ।
