काठमाडौं । गुल्मीको मुसिकोट नगरपालिका वडा नं १ का वडाध्यक्ष मोहन घिमिरे मृत अवस्थामा भेटिएका छन् । शुक्रबार घरबाट निस्किएर रातभर घर नफर्किएका घिमिरे घर नजिकैको रुखमा झुन्डिएको अवस्थामा मृत भेटिएको जिल्ला प्रहरी कार्यालय गुल्मीले जनाएको छ।
उनले आत्महत्या गरेको प्रहरीको आशंका छ । उनले आत्महत्या गर्नु अघि फेसबुकमा स्टाटस पनि लेखेका थिए । उनले लेखेका थिए, ‘परिस्थितिको चपेटामा परे पछि बाच्नुको अर्थ हुँदो रहेनछ । प्रिय अनिताः साथ निभाउन सकेन । मलाई माफ गरे। घर परिवार, साथीभाइ शुभ चिन्तक सबैसँग माफी चाहन्छु । अलबिदा ।’
घिमिरे नेपाली कांग्रेस मुसिकोट नगरपालिका नगर कमिटीका अध्यक्ष समेत हुन् । उनको मृत्यूको कारणबारे गहिरो अनुसन्धान हुने प्रहरीको भनाई छ ।
