काठमाडौं । नेपाल आयल निगमले पेट्रोलियम पदार्थको मुल्यमा वृद्धि गरेको छ । निगमले भोलि बुधबारदेखि लागू हुने गरि पेट्रोल, डिजेल र मट्टीतेलको मूल्य बढाएको हो ।
मंगलबार बसेको सञ्चालक समितिको वैठकले डिजेल र मट्टीतेल प्रतिलिटर १४ रुपैयाँ र पेट्रोलको मूल्य ५ रुपैयाँ प्रतिलिटरले बढाएको छ ।
भोलिबाट पेट्रोल १७५ रुपैयाँ, डिजेल र मट्टीतेल १६४.५ रुपैयाँ प्रतिलिटर पर्न जानेछ । आजै भारतीय आयल कर्पोरेशनबाट पेट्रोल र डिजेलको मूल्य प्रतिलिटर क्रमशः प्रतिलिटर ३.८५ र ११.२५ रुपैयाँ वृद्धि भएर आएको थियो ।
सोहीअनुसार निगमले परिवर्तित मूल्यमा मूल्य अभिवृद्धि करसहित समायोजन गरेर नयाँ मूल्य कायम गरेको विज्ञप्तिमार्फत जनाएको छ।
