काठमाडौं । नेपाली कांग्रेसका सभापति एवं संसदीय दलका नेता शेरबहादुर देउवाले कर तिरेर खुला रुपमा सुन ल्याउने व्यवस्था गर्न प्रस्ताव गरेका छन् । सोमबार नयाँ बानेश्वरस्थित ल्होत्से हलमा भएको संसदीय दलको वैठकमा उनले उक्त प्रस्ताव राखेका हुन् ।
वैठकमा बोल्दै देउवाले तस्करी रोक्न भए पनि कर तिरेर भन्सारबाट निर्वाद रुपमा सुन ल्याउन दिइनुपर्नेमा जोड गरेका हुन् । ‘कर तिरेर यो सुन खुल्ला गर्ने व्यवस्था गर्नुपर्छ । यसले तस्करी रोक्न मदत गर्छ’, उनले भने ।
उनले अवैध सुन तस्करीको छानबिन राज्यका निकायबाटै हुनुपर्नेमा जोड दिए ।
प्रमुख प्रतिपक्ष दल नेकपा एमालेले भने उच्च स्तरीय छानबिन समिति नै गठन गर्नुपर्ने माग गरेको छ । जसका कारण साउन १० गतेदेखि संसद बैठक अवरुद्ध हुँदै आएको छ ।
