सिरहा । सिरहाको लहान नगरपालिका–८ का वडाध्यक्ष श्याम साहले २ करोड रुपैयाँ मूल्य बराबरको २ कठ्ठा जग्गादान गरेको छ । उनले सोनार समाजको अतिथि सदन निर्माणका लागि लहान –७ स्थित टाउनप्लानिङ्गमा रहेको जग्गादान गरेका हुन् ।
सोनार समाजद्वारा आयोजित होली मिलन कार्यक्रममा जग्गादाता वडाध्यक्ष साह र उनकी आमा फुलोदेवीलाई सम्मान गरिएको छ । वडाध्यक्ष साहले सोनार सेवा सदन समितिको नाममा उक्त जग्गा पास गरेको समाजका जिल्ला अध्यक्ष जयप्रकाश साहले बताइन् ।
‘आफ्नो सुमदायको विकासका लागि जग्गादान गरेको छु', वडाध्यक्ष साहले भने, 'अब भवन निर्माणमा पनि सहयोग गर्नेछु ।’ विपन्नका परिवारलाई आर्थिक उपार्जन र रोजगारी दिनका लागि पनि समाजले सहयोग गरिराखेको जनाइएको छ ।
