काठमाडौं । सुनचाँदी बजारमा सुनको मूल्य बढेको छ । बुधवार छापावाला सुन प्रतितोला १ लाख ४ हजार ८ सय रुपैयाँ कायम गरिएको छ ।
मंगलवार प्रतितोला १ लाख ४ हजार ६ सय रुपैयाँमा कारोबार भएको सुन आज प्रतितोला २ सय रुपैयाँले बढेर १ लाख ४ हजार ८ सय रुपैयाँ तोकिएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुन प्रतितोला १ लाख ४ हजार ३ सय रुपैयाँ तोकिएको छ भने चाँदी प्रतितोला ५ रुपैयाँले घटेर १ हजार ३ सय १५ रुपैयाँ कायम गरिएको महासंघले जनाएको छ ।
