काठमाडौं । बीमा कम्पनीहरु एक आपसमा मर्जर गरे पश्चात कुनै पनि कर्मचारीको पद घटाउन नपाइने भएको छ । बीमा समितिले सोमबार परिपत्र जारी गदै दुईभन्दा बढी बीमा कम्पनीहरु गाभ्ने,गाभिने वा प्राप्ती हुने प्रकृयामा कुनै पनि बीमा कम्पनीका कर्मचारीको पद घटुवा नहुने व्यवस्था गरेको हो ।
यसैगरी कम्पनीका कर्मचारीले खाइपाइ आएको तलब सुविधा नघट्ने भएको छ । श्रम ऐनमा अपवादबाहेकको अवस्थामा कामदार वा कर्मचारीले खाईपाई आएको सुविधा कटौती गर्न नपाइने प्रावधान रहेको छ ।
साथै गाभ्ने,गाभिने संस्थाका कर्मचारीहरुको गाभिएर कायम हुने बीमकमा कार्यरत हुन इच्छुक नरहेका व्यवस्थापकीय तथा अन्य कर्मचारीहरुको हकमा उपयुक्त सुविधासहितको स्वेच्छिक अवकाशको योजना बनाइ लागु गर्नु पर्ने समेत समितिले जनाएको छ ।
