काठमाडौं । नेपाल राष्ट्र बैंकले २५ अर्ब ५३ करोड ट्रेजरी विल विक्री गर्न भएको छ । सोमबार बैंकले २५ अर्ब ५३ करोड बराबरको ट्रेजरी विल विक्री गर्ने भएको हो ।
बैंकका अनुसार २८ दिन अवधिको लागि ५ अर्ब रुपैयाँ छुट्याइएको छ ।त्यस्तै, ९१ दिन अवधिको लागि ५ अर्ब ५३ करोड रुपैयाँ छुट्याइएको छ । यसका साथै १ सय ८२ दिनको लागि अवधिको लागि १० अर्ब रुपैयाँ छुट्याइएको छ । ३ सय ६४ दिन अवधिको लागि ५ अर्ब रुपैयाँको नयाँ छुट्याइएको छ ।
२८ दिनको अवधिको विलको लागि साउन ३ गते परिपक्व हुनेछ भने ९१ दिन अवधिको बिल आगामी असोज ४ गते परिपक्व हुनेछ । त्यस्तै, १ सय ८२ दिन अवधिको बिल आगामी पुस ५ परिपक्क हुनेछ भने ३ सय ६४ दिनको लागि आगामी असार ५ गते परिपक्क हुनेछ ।
यी ट्रेजरी बिल सोमबार दिउँसो ३ बजे अनलाइनका माध्यमबाट बोलकबोल हुनेछ । बोलकबोलमा सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिकसमेत सहभागी हुन सक्नेछन् ।
