काठमाडौं । नेपाल राष्ट्र बैंकले आजको विदेशी मुद्राको विनिमयदर सार्वजनिक गरेको छ । सो विवरण अनुसार आज अमेरिकी डलरको मूल्य घटेको छ ।
आज अमेरिकी डलर १ को खरिददर अधिकतम १ सय २४ रुपैयाँ ४८ पैसा र बिक्रीदर १ सय २५ रुपैयाँ ८ पैसा कायम भएको छ । मंगलबार डलरको मूल्य हालसम्मकै उच्च मूल्यमा पुगेको थियो । मंगलबार डलरको मूल्य १ सय २५ रुपैयाँ १६ पैसा पुगेको थियो ।
त्यस्तै, युरो १ को खरिददर अधिकतम १ सय २९ रुपैयाँ ९३ पैसा र बिक्रीदर १ सय ३० रुपैयाँ ५६ पैसा रहेको छ ।
