काठमाडौं । वाणिज्य बैंकको निक्षेपमा सुधार हुँदै गएको देखिन्छ । जेठ महिनामा मात्रै बैंकहरुको निक्षेप १३ अर्ब रुपैयाँले बढेको छ । नेपाल बैंकर्ष संघले सार्वजनिक गरेको विवरण अनुसार जेठ महिनाको तिन साता (जेठ २० गते) मा बैंकहरुको निक्षेप सो परिणाममा बढेको हो ।
जेठको पहिलो साता अर्थात जेठ २ गते ४३ खर्ब ७७ अर्ब रुपैयाँ रहेको निक्षेप जेठ २० गते आँउदा १३ अर्ब रुपैयाँले बढेर ४३ खर्ब ९० अर्ब रुपैयाँमा पुगेको छ ।
यस्तै जेठ महिनामा वाणिज्य बैंकको कर्जा लगानीमा भने थोरै बढेको पाइन्छ । जेठ २ गते ४१ खर्ब ९४ अर्ब रुपैयाँ रहेको कर्जा लगानी जेड २० गते हुँदा २ अर्ब रुपैयाँले बढेर ४१ अर्ब ९६ अर्ब रुपैयाँमा पुगेको संघले जनाएको छ ।
