काठमाडौं । हिमालयन जनरल इन्स्योरेन्सले विशेष साधारणसभा बोलाएको छ । एभरेष्ट इन्स्योरेन्सलाई गाभ्ने प्रस्ताव पारित गर्नको लागि कम्पनीले सभा बोलाएको हो ।
कम्पनीको आइतबार बसेको सञ्चालक समितिको बैठकले सो निर्णय गरेको हो । कम्पनीको सभा असार ३ गते एयरपोर्ट होटेल काठमाडौंमा बिहान ११ बजे बस्ने भएको छ ।
हिमालयनको शेयर कारोबार वैशाख २३ गतेदेखि रोक्का रहेकाले जेठ २५ गतेसम्म कायम रहेका शेयरधनीहरुले सो साधारणसभामा सहभागी हुनसक्ने कम्पनीले जनाएको छ
