काठमाडौं । वैशाख महिनामा मात्रै १६ अर्ब रुपैयाँ राष्ट्रबैंकबाटले बजारमा पठाएको छ । राष्ट्र बैंकले सार्वजनिक गरेको विवरण अनुसार विभिन्न समयमा गरि बैंकबाट १६ अर्ब बजारमा पठाएको हो ।
राष्ट्र बैंकका अनुसार चैत मसान्तसम्म बजारमा ६ खर्ब १९अर्ब रुपैयाँ रहेको थियो। वैशाख मसान्तमा यो रकम बढेर ६ खर्ब ३५ अर्ब रुपैयाँमा पुगेको छ । यो रकम बैंक, निजी क्षेत्र र आम जनतासँग कायम रहेको रकम हो ।
त्यस्तै एक महिनामा नेपाल राष्ट्र बैंकमा सुनचाँदीमा लगानी गर्ने रकम करिब २७ करोड रुपैयाँले बढेको छ । राष्ट्र बैंकको सुनचाँदीमा लगानी गर्ने रकम ८८ अर्ब १६ करोड रुपैयाँ रहेको छ । यो रकम चैत मसान्तसम्ममा ८७ अर्ब ८९ करोड रुपैयाँ रहेको थियो ।
