काठमाडौं । नबिल बैंकमा नेपाल बंगलादेश (एनबी) बैंकलाई गाभ्ने प्रक्रिया स्थगित भएको छ । बिहिबार सर्वोच्च अदालतले दुई बैंकको मर्जर कार्य रोक्नका लागि अल्पकालीन अन्तरिम आदेश जारी गरेको हो ।
सर्बोच्च अदालतका न्यायधीश ईश्वरप्रसाद खतिवडाको एकल इजलाशले सो अल्पकालीन आदेश जारी गरेको थियाे ।
सर्वोच्च अदालतले नेपाल पावर डेभलपमेण्ट एण्ड ईन्भेष्टमेन्ट कम्पनी प्रालीले हालेको उत्प्रेषणको मुद्दामा सुनुवाई गर्दै मर्जर एक्विजेशन प्रक्रिया रोक्न अल्पकालीन अन्तरिम आदेश जारी भएको हो । दुई बैंकको मर्जर भाड्नको लागि एनबी बैंकका शेयरधनी लक्ष्मीबहादुर श्रेष्ठले सर्बोच्च अदालतमा मुद्दा दायर गरेका थिए ।
अब अदालतले जेठ ३ गते अल्पकालिन आदेशलाई निरन्तरता दिने वा नदिने भन्ने विषयमा जवाफ दिन बोलाएको छ । नबिल बैंक र एनबी बैंकले जेठ ७ गते एक्विजेशनको लागि विशेष साधारणसभा समेत बोलाइसकेका छन् ।
