काठमाडौं । एनएमबि लघुवित्तले ६ करोड ३८ लाखभन्दा बढी नाफा कमाएको छ । आर्थिक वर्षको चौथो त्रैमाससम्ममा बैंकले सो रकम बराबरको नाफा कमाएको हो । गत वर्ष यस्तो नाफा ५ करोड २९ लाख रुपैयाँ रहेको थियो ।
सो अवधिमा लघुवित्तको प्रतिशेयर आम्दानी ८ रुपैयाँ ८५ पैसा रहेको छ भने प्रतिशेयर नेटवर्थ १४० रुपैयाँ ६१ पैसा रहेको छ। त्यस्तै, लघुवित्तको वितरणयोग्य मुनाफा ४ करोड ७५ लाख रुपैयाँ र वितरणयोग्य प्रतिशेयर आम्दानी ६ रुपैयाँ ५९ पैसा रहेको छ।
त्यसैगरी, सो अवधिमा लघुवित्तको चुक्ता पूँजी ७२ करोड १४ लाख रुपैयाँ रहेको छ भने जगेडा कोषमा २९ करोड २९ लाख रुपैयाँ सञ्चित छ। लघुवित्तले गत आर्थिक वर्षको अन्त्यसम्ममा ५ अर्ब ९० करोड रुपैयाँ निक्षेप तथा सापटीबाट ६ अर्ब ७५ करोड रुपैयाँ कर्जा लगानी गरेको छ।
