काठमाडौं । प्राइम कमर्सियल बैंकले साधारणसभा बोलाएको छ । शुक्रबार बसेको सञ्चालक समितिको बैठकले पुष ६ गतेका लागि साधारणसभा बोलाउने निर्णय गरेको हो ।
सो दिन प्राइम बैंकको केन्द्रिय कार्यलयमा बिहान ११ बजे साधारणसभा बस्नेछ । उक्त सभाले सञ्चालक समितिले यसअघि प्रस्ताव गरेको १६ प्रतिशत बोनस शेयर र ०.६३१३ प्रतिशत नगद लाभांश वितरणको प्रस्ताव पारित गर्नेछ ।
उक्त प्रयोजनको लागि मंसिर २२ गतेका लागि शेयरधनी किताब खाता बन्द (बुक क्लोज) गर्ने निर्णय समेत बैठकले गरेको छ ।
