काठमाडौं । एक सातमा वाणिज्य बैंकहरुले २१ अर्ब रुपैयाँ थप कर्जा लगानी गरेका छन् । सञ्चालनमा रहेका २७ वाणिज्य बैंकहरुले मंसिरको पहिलो १० दिनमा सो परिमाणमा नयाँ कर्जा विस्तार भएको नेपाल बैंकर्स संघले जनाएको छ ।
कात्तिक मसान्तमा बैंकहरुले ४० खर्ब ३४ अर्ब रुपैयाँ कर्जा प्रवाह गरेका थिए । मंसिर १० गतेसम्म आइपुग्दा यस्तो कर्जा प्रवाह बढेर ४० खर्ब ५५ अर्ब रुपैयाँ पुगेको छ ।
यही बीचमा निक्षेप भने १४ अर्ब रुपैयाँले घटेको छ । कात्तिक मसान्तमा ४२ खर्ब ३३ अर्ब रुपैयाँ रहेको निक्षेप मंसिर १० गतेसम्म आइपुग्दा ४२ खर्ब १९ अर्बमा झरेको बैंकर्स संघको तथ्यांक छ ।
