काठमाडौं । एभरेष्ट बैंकले विगत १० वर्ष यताकै कम लाभांश पारित गर्ने गरि साधारणसभा बोलाएको छ । बुधबार बसेको सञ्चालक समितिको बैठकले पुष १ गतेका लागि साधारणसभा बोलाउने निर्णय गरेको हो ।
सो दिन एभरेष्ट बैंकको केन्द्रीय कार्यलयमा बिहान ११:३० बजे साधारणसभा बस्नेछ । उक्त सभाले सञ्चालक समितिले यसअघि प्रस्ताव गरेको ६ प्रतिशत बोनस शेयर र ४.३२ प्रतिशत नगद लाभांश वितरणको प्रस्ताव पारित गर्नेछ ।
उक्त प्रयोजनको लागि मंसिर १७ गते १ सदनका लागि शेयरधनी किताब खाता बन्द (बुक क्लोज) गर्ने निर्णय समेत बैठकले गरेको छ ।
