काठमाडौं । वाणिज्य बैंकले असोज महिनाका लागि ब्याजदर सार्वजनिक गरेका छन् । हाल सञ्चालनमा रहेका २० वाणिज्य बैंकहरुमध्ये ९ वाणिज्य बैंकहरुले असोज महिनाका लागि ब्याजदर घटाएका छन् भने २ वाणिज्य बैंकहरुले घटाएका छन्।
औसतमा व्यक्तिगत तर्फ मुद्दति निक्षेपको ब्याजदर अब असोज महिनाका लागि ६.३८ प्रतिशत कायम भएको छ । भदौमा औसत ब्याजदर ६.५३ प्रतिशत थियो । औसतलाई आधारमान्दा वाणिज्य बैंकहरुको ब्याजदर असोजका लागि ०.१५ विन्दुले घटेको छ ।
भदौ महिनाको तुलनामा एनएमबि बैंक, कुमारी बैंक, प्राइम कमर्सियल बैंक, सानिमा बैंक, नेपाल एसबिआई बैंक, नबिल बैंक, एनआईसी एशिया बैंक, एभरेष्ट बैंक र राष्ट्रिय वाणिज्य बैंकले व्यक्तिगत मुद्दति निक्षेपमा अधिकतम ब्याजदर घटाएका छन्। यस्तो ब्याजदर बढाउने बैंक भने कृषि विकास बैंक र नेपाल बैंक लिमिटेड रहेका छन्।
यसैगरी ग्लोबल आईएमई, माछापुच्छ्रे, प्रभु र सिद्धार्थले निक्षेपको अधिकतम ब्याजदर भदौकै लाई निरन्तरता दिएका छन् । नेपाल बैंक र कृषि विकास बैंकले असोज महिनाका लागि ब्याजदर बढाएका हुन् ।
कुन बैंकको व्याजदर कति ?
