काठमाडौं । नेपाल वायुसेवा निगमले दुर्गम क्षेत्र उडानको लागि ३ वटा नयाँ जहाज किन्ने भएको छ । निगमले जहाज किन्न आइतबार ४५ दिनको समय दिएर सार्वजनिक प्रस्ताव आह्वान गरेको छ । निगमले छोटो दुरीको उडान तथा अवतरण गर्ने (स्टोल) जहाज किन्ने भएको हो ।
सूचनामा ५ डिसेम्बर २०२३ सम्ममा शिलबन्दी प्रस्ताव पेश गर्न इच्छुक आपूर्तिकर्तालाई आह्वान गरिएको छ ।
निगमले आफ्नै स्रोतबाट जहाज किन्ने भएको छ । ३ वटा जहाज किन्न निगमसँग भएको सञ्चित कोष प्रयोग गर्दै छ । उक्त कोषमा ३ अर्ब भन्दा बढी रकम रहेको छ ।
