नेपालको हवाई सुरक्षा मूल्याङ्कन (अडिट) गर्न स्थलगत अनुगमनका लागि नेपाल आएको युरोपेली सङ्घ (इयु) को हवाई सुरक्षा कमिटीले काम सुरु गरेको छ । आइतबार नेपाल आइपुगेको चार सदस्यीय इयुको प्राविधिक टोलीले नागरिक उड्डयन प्राधिकरणसँगै वायुसेवा कम्पनीको अडिटको काम सुरु गरेको हो । अनसाइट एसेसमेन्ट भिजिटका लागि नेपाल आएको उक्त टोलीले शुव्रmबारसम्म प्राधिकरणको कामको मूल्याङ्कनसँगै तीनवटा वायुसेवा कम्पनीको हवाई सुरक्षा मूल्याङ्कन पनि गर्नेछ ।
प्राधिकरण स्रोतका अनुसार उक्त टोलीले अन्तर्राष्ट्रिय उडान गर्ने, आन्तरिक उडान गर्ने र आन्तरिकतर्फ पनि दुर्गममा उडान गर्ने एक/एक वटा वायुसेवा कम्पनी छनोट गरेर अध्ययन सुरु गरेको छ । स्रोतका अनुसार आन्तरिकतर्फ दुर्गममा उडान गर्दै आएको नेपाल वायुसेवा निगम, सुगममा उडान गर्दै आएको श्री एयर लाइन्स र अन्तर्राष्ट्रियतर्फ उडान गर्दै आएको हिमालय एयरलाइन्सको अडिट गर्ने तालिका रहेको छ । यसबाहेक अन्य जुनसुकै हवाई कम्पनीको समेत अडिट हुन सक्नेछ ।
नेपाली वायुसेवा क्षेत्र सन् २०१४ देखि ईयूको कालो सूचीमा रहँदै आएको छ । यो सूचीमा रहँदा नेपाली एयरलाइन्स र युरोपेली क्षेत्रमा उडान भर्न सकिरहेको छैन ।
