काठमाडौं । चिकित्सक दर्ता प्रमाणपत्र परीक्षा (लाइसेन्स परीक्षा) असोज १० देखि १२ गतेसम्म हुने भएको छ । शुक्रबार सूचना प्रकाशित गर्दै नेपाल मेडिकल काउन्सिलले परीक्षा मिति तोकिएको बारे जानकारी दिएको हो ।
उक्त परीक्षाका लागि श्रावण २९ देखि अनलाइन फारम खोलिने काउन्सिलले जनाएको छ । श्रावण २९ देखि भदौ २६ सम्म नियमित र २७ र २८ गते विलम्ब शुल्क सहित फारम बुझाउन सकिने काउन्सिले प्रकाशित गरेको सूचनामा उल्लेख गरिएको छ ।
परीक्षा सञ्चालन इन्जिनियरिङ अध्ययन संस्थान, पुलचोकमा कम्प्युटर प्रविधिबाट हुने काउन्सिलले जनाएको छ ।
