काठमाडौं । शुक्रबार बसेको राष्ट्रियसभाको वैठक पनि एमालेले अवरुद्ध गरेको छ । एक क्वीन्टल सुन काण्डको छानबिनका लागि उच्च स्तरीय छानबिन समितिको माग गर्दै निरन्तर केही दिनदेखि संसद अवरुद्ध गर्दै आएकोमा आज पनि वैठक अवरुद्ध गरेको हो ।
समसामयिक विषयमा आफ्ना विचारहरु राखेलगत्तै प्रतिपक्षका सदस्यहरु उठेका थिए । राष्ट्रियसभा अध्यक्ष गणेशप्रसाद तिमिल्सीनाले एमालेका भैरव सुन्दर श्रेष्ठलाई बोल्नका लागि समय दिएपछि कांग्रेसका सदस्यहरु उठेर विरोध जनाएका थिए ।
सत्तापक्ष र प्रतिपक्ष दुवै उठेर विरोध जनाएपछि राष्ट्रियसभा वैठक ३१ गते बुधबारसम्मका लागि स्थगित गरिएको छ ।
