काठमाडौं । एमालेले बुधवारको संसद पनि अवरुद्ध गरेको छ । सुन काण्डको छानबिनका लागि उच्चस्तरीय समिति बनाउनुपर्ने माग राख्दै एमाले सांसदहरुले संसद अवरुद्ध गरेका हुन् ।
वैठक सुरु भएलगत्तै एमालेका सांसद सूर्य थापाले उठेर आफूहरुले राख्दै आएको उच्चस्तरीय समिति बनाउनुपर्ने माग सरकारले सम्बोधन नगरेको कारण वैठक बस्न नदिने बताएका थिए । उनी बोलिरहँदा कांग्रेसका सांसदले उठेर विरोध जनाइरहेका थिए ।
उनले बोल्दाबोल्दै एमाले सांसदहरु रोष्टम घेर्न पुगेपछि वैठक २६ गतेसम्मका लागि स्थगित भएको छ ।
