नेपाल टेलिकमको २० हजार वटा रिचार्ज कार्ड हराएको छ । रिचार्ज कार्ड ढुवानीको क्रममा ५० रुपैयाँ दरका करिब १० लाख रुपैयाँ बराबरको कार्ड हराएको नेपाल टेलिकमले जनाएको हो ।
रिचार्ज कार्ड हराएको नेपाल टेलिकमको वायरलेस सेवा निर्देशनालय बबरमहलले बुधबार सूचना जारी गर्दै काठमाडौंबाट भैरहवा पठाउने क्रममा रिचार्ज कार्ड हराएको र फेला पारेमा नजिकको दूरसञ्चार कार्यालयमा बुझाइदिन समेत अनुरोध गरेको छ ।
सि.नं.११२२१२००१३७८०००१ देखि सि.नं.११२२१२००१३८००००० सम्मका २० हजार वटा कार्ड हराएको सूचनामा उल्लेख छ । साथै ती सिरियल नम्बर भएका रिचार्ज कार्ड खरिदबिक्री नगर्न पनि आग्रह गरिएको छ ।
