काठमाडौं । सुनचाँदी बजारमा आज सुनको मूल्य रेकर्ड नजिक पुगेको छ । बिहीबार छापावाला सुनको मूल्य १ लाख १३ हजार ५ सय रुपैयाँ कायम भएको छ ।
बुधबार प्रतितोला १ लाख १२ हजार ७ सय रुपैयाँमा कारोबार भएको छापावाला सुनको मूल्य आज प्रतितोला ८ सय रुपैयाँले बढेर १ लाख १३ हजार ५ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुन प्रतितोला १ लाख १२ हजार ९ सय ५० रुपैयाँ कायम भएको छ भने चाँदी प्रतितोला २५ रुपैयाँले घटेर १ हजार ४ सय ९० रुपैयाँ कायम भएको महासंघले जनाएको छ ।
