काठमाडौं । सुनचाँदी बजारमा आज सुनको मूल्य घटेको छ । शुक्रबार छापावाला सुनको मूल्य १ लाख १२ हजार ८ सय रुपैयाँ कायम भएको छ ।
विहीबार प्रतितोला १ लाख १३ हजार ६ सय रुपैयाँमा कारोबार भएको सुनको मूल्य आज प्रतितोला ८ सय रुपैयाँले घटेर १ लाख १२ हजार ८ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । विहीबार सुन हालसम्मकै उच्च मूल्यमा कारोबार भएको थियो ।
त्यस्तै, तेजावी सुन प्रतितोला १ लाख १२ हजार २ सय ५० रुपैयाँ कायम भएको छ भने चाँदी प्रतितोला ५ रुपैयाँले घटेर १ हजार ४ सय ९५ रुपैयाँ कायम भएको महासंघले जनाएको छ ।
