काठमाडौं । फोहोर बोकेर ल्यान्डफिलसाइट बञ्चरेडाँडामा गएका गाडीलाई नरोक्न सवोच्च अदालतले अन्तिरिम आदेश दिएको छ । सोमबार न्यायाधीश ईश्वर खतिवडाको एकल इजलासले उक्त आदेश दिएको हो ।
ल्यान्डफिल्ड साइटमा फोहोर बोकेर आएको प्रति गाडी १५ सय रुपैयाँ शुल्क तिनुपर्ने भन्दै ककनी गाउँपालिका काठमाडौं महानगरपालिकाको फेहोर बोकेर गएका गाडीलाई रोकेका थिए ।
आइतबार फोहोरमैला व्यवस्थापन संघले ककनी गाउँपालिका, प्रधानमन्त्री तथा मन्त्रिपरिषद कार्यालय, संघीय मामिला, वन तथा वातावरण र सहरी विकास मन्त्रालयलाई विपक्षी बनाइ रिट दर्ता गरेको थियो।
साेही रिटमा सर्वोच्च अदालतले ल्यान्डफिलसाइट बञ्चरेडाँडामा फोहोर विसर्जन गर्न जाने टिपरलाई रोक्ने स्थानीय तहको निर्णय कार्यान्वयन नगर्न अन्तरिम आदेश दिएको छ।
