काठमाडौं । वागमती प्रदेशले गौतम बुद्ध अन्तर्राष्ट्रिय क्रिकेट रंगशाला निर्माणका लागि ५ करोड रुपैयाँ दिने भएको छ । शुक्रबार आर्थिक वर्ष २०८०/८१ को बजेटमा प्रदेशका अर्थमन्त्री बहादुर सिंह लामाले उक्त व्यवस्था गरिएकोबारे बताएका हुन् ।
धुर्मुस सुन्तली फाउण्डेसनले निर्माण गर्न सुरु गरेको उक्त रंगशाला सरकारले निरन्तरता दिने भनिएको थियो । तर उक्त रंगशालाको निर्माण नेपाल सरकारको बजेटमा नसमेटिएको भन्दै विरोध भइरहेको थियो ।
