काठमाडौं । भैरवास्थित गौतमबुद्ध अन्तर्राष्ट्रिय विमानस्थलबाट उडान गर्ने अन्तर्राष्ट्रिय वायुसेवा कम्पनीलाई ग्राउण्ड ह्याण्डिलिङ शुल्कमा ५० प्रतिशत छुट दिने भएको छ । बिहीबार नेपाल नागरिक उड्डयन प्राधिकरणले नेपाल वायुसेवा निगमलाई पत्र लेख्दै यस्तो निर्देशन दिएको हो ।
सो निर्देशन अनुसार विमानस्थलबाट उडान गर्ने अन्तर्राष्ट्रिय वायुसेवा कम्पनीहरुलाई ग्राउण्ड ह्याण्डिलिङ शुल्कमा ५० प्रतिशत छुट दिनुपर्ने भएको छ । भैरहवामा पनि ग्राउण्ड ह्याण्डिलिङ सेवाको जिम्मा नेपाल एयरलाइन्सले पाएको छ ।
नेपालको पर्यटन क्षेत्र पुनरुत्थान कार्ययोजना २०७९ मा गौतमबुद्ध र पोखरा विमानस्थलमा हुने सबै अन्तर्राष्ट्रिय उडानमा ल्यान्डिङ, पार्किङ, नेभिगेशन र सेक्युरिटीलगायत शुल्कमा शतप्रतिशत छुटलाई निरन्तरता दिइदै आएको छ ।
