काठमाडौं । उडानमा हड्ताल गर्ने कम्पनीको लाइसेन्स खारेज हुने भएको छ । वायुसेवा सञ्चालक संघले बुधबारदेखि सबै उडान बन्द गर्ने निर्णय गरेपछि नेपाल नागरिक उड्डयन प्राधिकरणले हड्ताल गर्ने कम्पनीको लाइसेन्स खोस्ने चेतावनी दिएको हो ।
क्यानका महाप्रबन्धक प्रदीप अधिकारीले यस्ता विमान कम्पनीमाथि कारबाही गर्ने बताइसकेका छन् ।
अत्यावश्यक सेवाको रुपमा रहेको हवाइ उडान बन्द गर्ने सञ्चालकमाथि पक्राउ पुर्जी जारी गर्ने चेतावनी समेत क्यानका पदाधिकारीहरुले दिएका छन् ।
