काठमाडौं । प्राइम कमर्सियल बैंकले वार्षिक १० प्रतिशत ब्याजदरमा ऋणपत्र निष्काशन गर्ने भएको छ । सो ऋणपत्रको अवधि १० वर्षको रहनेछ ।
बैंकले प्राइम डिभेन्चर, २०८८’ निष्काशन गर्न लागेको हो । बैंकले प्रतिकित्ता १ हजार रुपैयाँ अंकित दरका २ अर्ब ५० करोड रुपैयाँ बराबरको २५ लाख कित्ता ऋणपत्र निष्काशन गर्न लागेको हो ।
कुल कित्ता मध्ये १० लाख कित्ता सर्वसाधारणलाई बिक्री गरिनेछ भने बाँकी १५ लाख कित्ता व्यक्तिगत तवरबाट बिक्री गरिने बैंकले जनाएको छ । सर्वसाधारणका लागि बिक्री गरिने ऋणपत्रमध्ये ५० हजार कित्ता सामूहिक लगानी कोषका लागि छुट्याइएको छ ।
सो ऋणपत्र खरिदका लागि छिटोमा चैत २१ गते र ढिलोमा चैत ३० गतेसम्म रहनेछ । लगानीकर्ताले न्यूनतम २५ कित्तादेखि अधिकतम ५ लाख कित्ताका लागि आवेदन दिन सक्नेछन्।
बैंकको ऋणपत्र निष्काशन तथा बिक्री प्रबन्धक आरविवि मर्चेन्ट बैंङ्ग रहेको छ। लगानीकर्ताले सी आस्बा सदस्य बैंक तथा वित्तीय संस्था र तिनका शाखा कार्यालयहरुबाट सो ऋणपत्र खरिदका लागि आवेदन दिन सक्नेछन् ।
