काठमाडौँ । नेपाल धितोपत्र बोर्डका सञ्चालक चन्द्र ढकालले राजीनामा दिएका छन् । सर्वोत्तम सिमेन्टको शेयर खरिदमा मुछिएका नेप्सेका सिइओ चन्द्रसिंह साउदले मंगलबार राजीनामा दिएका थिए । त्यस्तै सोही प्रकरणमा मुछिएका ढकालले बुधबार राजीनामा दिएका हुन् ।
बुक विल्डिङ प्रक्रियामा रहेको सर्वोत्तम सिमेन्टको शेयर खरिद गरेको बिषय बाहिरिएपछि साउद, ढकाल र धितोपत्र बोर्डका अध्यक्ष भीष्मराज ढुङगाना विवादमा तानिएका थिए ।
तीन जना मध्ये २ जनाले राजीनामा दिएपछि ढुङगानामाथि दबाब सिर्जना भएको छ । तर, उनले राजीनामा नदिने बताइसकेका छन् । यदि आफुलाई पदबाट हटाए अदालत जाने चेतावनी ढुङ्गानाले सञ्चार माध्ययम मार्फत् दिइसकेका छन् ।
