काठमाडौं । सन् २०२४ को पहिलो महिना जनवरीमा ७९ हजार १ सय विदेशी पर्यटक नेपाल भित्रिएका छन् । यो सन् २०२३ को जनवरीको तुलनामा २४ हजार २६ ले बढी हो । गत वर्षको जनवरीमा ५५ हजार ७४ जना विदेशी पर्यटक नेपाल आएका थिए ।
नेपाल पर्यटन बोर्डका अनुसार जनवरीमा ८१ हजार ८ सय ९७ जना बाहिरिएका छन् । जनवरीमा सबैभन्दा बढी भारतीय पर्यटक २४ हजार १ सय ३९ जना नेपाल आएका छन् । गत वर्षको सोही अवधिमा १६ हजार ४ सय ३६ भारतीय पर्यटक नेपाल आएका थिए ।
साथै चिनियाँ पर्यटक ७ हजार २ सय ६७, अमेरिकी पर्यटक ७ हजार ४७, थाइल्याण्डबाट ४ हजार ६ सय १९ जना पर्यटक नेपाल आएका छन् । जनवरीमा दक्षिण कोरियाबाट ३ हजार ८ सय १२, बङ्गलादेशबाट ३ हजार ६ सय २९, अष्ट्रेलियाबाट ३ हजार ४ सय २१, बेलायतबाट ३ हजार २ सय ७६, भुटानबाट २ हजार २ सय २९ र जापानबाट १ हजार ५ सय ६८ जना विदेशी पर्यटक नेपाल आएका छन् ।
