काठमाडौं । एनआईसी एशिया म्युचुअल फण्ड अन्तर्गत सञ्चालित दुई योजनाहरुले आफ्ना इकाईधनीहरुलाई वितरण गर्ने लाभांश घोषणा गरेको छ।
एनआईसी एशिया क्यापिटलको असोज २७ गते सम्पन्न संचालक समितिको बैठकले एनआईसी एशिया ग्रोथ फण्ड र एनआईसी एशिया ब्यालेन्सड् फण्डको लाभांश घोषणा गरेको हो ।
आर्थिक वर्ष २०७९÷८० का लागि लाभांश घोषणा भएको हो । जस अनुसार एनआईसी एशिया ग्रोथ फण्डले इकाईधनीहरुलाई १०.५० प्रतिशत (कर सहित) का दरले नगद लाभांश वितरण गर्ने घोषणा गरेको छ ।
त्यस्तै एनआईसी एशिया ब्यालेन्सड् फण्डले इकाईधनीहरुलाई १० प्रतिशत (कर सहित) का दरले नगद लाभांश वितरण गर्ने घोषणा गरेको छ ।
क्यापिटलले लाभांश वितरणको लागि बुक क्लोज मिति पछि तय गर्ने जनाएको छ ।
