काठमाडौं । सुनचाँदी बजारमा आज सुनको मूल्य बढेको छ । मंगलबार छापावाला सुन प्रतितोला १ लाख १० हजार ४ सय रुपैयाँ कायम भएको छ ।
सोमबार प्रतितोला १ लाख १० हजार रुपैयाँमा कारोबार भएको छापावाला सुन आज प्रतितोला ४ सय रुपैयाँले बढेर १ लाख १० हजार ४ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुन प्रतितोला १ लाख ९ हजार ८ सय ५० रुपैयाँ तोकिएको छ भने चाँदी प्रतितोला ५ रुपैयाँले बढेर १ हजार ३ सय ७५ रुपैयाँ कायम गरिएको महासंघले जनाएको छ ।
